सहा उर्दू शाळांना मंजुरी

पिंपरी - महापालिकेच्या अखत्यारीत असलेली एकमेव उर्दू शाळा कमी पडत असल्याने चार वर्षांपूर्वी शहरात सहा उर्दू माध्यमिक शाळा सुरू करण्यात आल्या. त्यासाठी काही संस्थांनी पुढाकार घेतला. मात्र राज्य सरकारची मंजुरी नसल्याने या शाळांतील विद्यार्थ्यांना नोंदणी क्रमांक मिळत नव्हता; तसेच शिक्षकांना वेतनही मिळत नव्हते. महापालिकेने परवानगीसाठी पाठपुरावा केल्यावर अखेर सरकारने या शाळांना मान्यता दिली. शाळांचा खर्च या संस्थांना स्वखर्चातून करावा लागणार आहे.