अधिकारी मद्यप्राशन करून झिंगाट आणि सुसाट?

महापालिका वाहनाचा गैरवापर ः दुभाजकावर चढवली सुमो, दोन तास चालले नाटक

पिंपरी, प्रतिनिधी – पालिकेचे वाहन नशेत थेट दुभाजकावर चढविण्याची घटना काळेवाडी परिसरात घडली. काळेवाडी येथील खादी भंडारासमोर पिंपरी चिंचवड महापालिकेच्या अधिकाऱ्यांनी मद्यप्राशन करून थेट दुभाजकावरच गाडी चढवली असल्याची चर्चा सध्या काळेवाडी परिसर आणि पालिकेत चांगलीच रंगत आहे. नशीब बलवत्तर म्हणून या अपघातात कोणीही दगावले नाही. मात्र पिपंरी चिंचवड महापालिकेच्या वाहनात चक्क पालिकेचे कर्मचारी मद्यप्राशन करून बसले असल्याची धक्‍कादायक माहिती प्रकाशात आली आहे. स्थानिक नागरिकांनुसार हा अपघात अति मद्यपानामुळे झाला आणि त्यानंतरही पालिकेच्या मद्याच्या नशेत धुंद झालेल्या अधिकारी-कर्मचाऱ्यांनी येथे तब्बल दोन तास गाडी दुभाजकावरुन काढण्याचे वेगवेगळे प्रकार करून दाखवले.