अपंगांना पेन्शन योजना

शहरातील अपंगांना दरमहा दोन हजार रुपये पेन्शन देण्याचा निर्णय पिंपरी-चिंचवड महापालिकेच्या मंगळवारी झालेल्या सर्वसाधारण सभेत घेण्यात आला. आर्थिक उत्पन्नाची कोणतीही मर्यादा नसलेल्या आणि तीन वर्षांपासून शहरात अस्तित्त्वात असलेल्या अपंगांना योजनेचा लाभ मिळणार आहे. जन्मतःच अपंग असणाऱ्यांना योजनेत सामावून घेण्याची उपसूचना मात्र फेटाळण्यात आली.