पेव्हिंग ब्लॉकवरून नगरसेवक “उखडले’

पिंपरी – तब्बल दोनशे कोटींची पेव्हिंग ब्लॉक बसविण्याची कामे करण्यासाठी निविदा प्रक्रिया पूर्ण करून कंत्राटदारांना कामाचे आदेश देण्यात येत आहेत. त्यात आता प्रशासनाने ज्या ठिकाणी पेव्हिंग ब्लॉक बसविण्यात येणार आहेत, तेथील छायाचित्र काढून अहवाल सादर करण्याचा “फतवा’ काढला आहे. त्याला विरोध करत सर्वपक्षीय सदस्यांनी प्रशासनाच्या विरोधात स्थायी समिती सभेत जोरदार टीकास्त्र सोडले.