‘पीएमपी’ची उत्पन्नभरारी

पुणे महानगर परिवहन महामंडळाला (पीएमपी) प्रवासी वाहुतकीपासून मिळणाऱ्या उत्पन्नात आणि बसने प्रवास करणाऱ्या दैनंदिन प्रवाशांच्या संख्येत चालू आर्थिक वर्षात उल्लेखनीय वाढ झाली आहे. दैनंदिन उत्पन्नात पावणेसात लाख रुपयांनी तर, प्रवासी संख्येत ५०,८११ने वाढ झाली आहे. यावरून तुकाराम मुंढे यांनी ‘पीएमपी’च्या अध्यक्षपदाची धुरा सांभाळल्यापासून सार्वजनिक बससेवेच्या परिस्थितीत सुधारणा होत असल्याचे स्पष्ट होत आहे.