फरार भाजप नगरसेवक महासभेला हजर

पिंपरी – महापालिकेच्या प्रभाग क्रमांक 10 मधील भाजप नगरसेवक तुषार हिंगे हे गेल्या दोन महिने महापालिकेच्या सभागृहात महासभेला गैरहजर होते. त्यांच्या पत्रानुसार विधी समितीने त्यांना दोन महिन्यांची रजा मंजुरी दिली होती. परंतु, हिंगे यांच्यावर फौजदारी गुन्हा दाखल असताना ते पोलीस रेकॉर्डवर फरार घोषित झाले आहेत. त्यामुळे पोलिसांना न सापडणारे नगरसेवक हिंगे हे नगरसेवक पद वाचविण्याकरिता शनिवारी (दि.20) सभागृहात महासभेच्या “मस्टर’वर हजर झाले आहेत. त्यामुळे पोलिसांना न सापडणारे हिंगे महापालिकेत प्रकट झाल्याने आश्‍चर्य व्यक्‍त होत आहे.