‘बोन्साय’चे अनोखे विश्‍व अनुभवण्याची संधी

पुणे - पिंपळाच्या पानाच्या आकारात साकारलेले, एक मीटर उंचीचे आणि सर्वांत जुने दीडशे वर्षांचे उंबर, तीन इंच उंचीचे सर्वांत लहान बोन्साय अशा असंख्य प्रजातींचे बोन्साय वृक्ष; यांसह इटली, जपान, इंग्लंड, ऑस्ट्रेलिया, अमेरिका अशा जवळपास १६ देशांमधील बोन्साय कलाकारांचा सहभाग असणारे अनोखे प्रदर्शन आणि त्यानिमित्त आयोजित जागतिक बोन्साय परिषद येत्या गुरुवारपासून (ता. २२) सुरू होत आहे. बोन्साय कलाकार प्राजक्ता काळे यांनी तयार केलेले तब्बल एक हजार बोन्साय वृक्ष प्रदर्शनात मांडण्यात येणार असून प्रदर्शनाची तयारी आता अंतिम टप्प्यात आली आहे.