पुणे-मुंबई रस्ता रुंदीकरणाची मागणी

खासदार शिरोळे यांचे केंद्रीय संरक्षणमंत्र्यांना पत्र

पुणे मेट्रो प्रकल्पासह प्रस्तावित जलद बस वाहतूक योजनेसाठी (बीआरटी) जुन्या पुणे-मुंबई महामार्गावरील संरक्षण मंत्रालयाच्या अखत्यारीतील रस्त्याच्या रुंदीकरणासाठी परवानगी देण्याची विनंती खासदार अनिल शिरोळे यांनी केंद्रीय संरक्षणमंत्री निर्मला सीतारामन यांच्याकडे केली आहे. महाराष्ट्र मेट्रो रेल्वे कॉर्पोरेशन (महामेट्रो) आणि पुणे महापालिकेनेही रस्त्याचे रुंदीकरण आणि भूसंपादनाचा प्रस्ताव मंत्रालयाला पाठवला असून, येत्या काही दिवसांत त्याला मान्यता मिळण्याची शक्यता आहे.