निगडी तसेच चाकणपर्यंत मेट्रो धावणार; डीपीआर तयार करण्याच्या खर्चास स्थायीची मान्यता

पिंपरी (Pclive7.com):- पिंपरी ते निगडी (भक्ती शक्ती चौक) व नाशिक फाटा ते चाकण (मोशी मार्गे) या मार्गांवर मेट्रो सुरु करण्याबाबत सविस्तर प्रकल्प अहवाल (डी.पी.आर.) तयार करण्यासाठी येणा-या सुमारे ३ कोटी ४८ लाख रुपयांच्या खर्चास आज झालेल्या स्थायी समितीच्या सभेत मान्यता देण्यात आली. तसेच शहरातील विविध विकासविषयक कामे करण्यासाठी येणा-या सुमारे १७ कोटी ७३ लाख ४३ हजार रुपयांच्या खर्चास स्थायीत मान्यता देण्यात आली. स्थायी समिती सभागृहात आज झालेल्या या सभेच्या अध्यक्षस्थानी ममता गायकवाड होत्या.