अखिल भारतीय स्थानिक स्वराज्य संस्थेचे प्रशिक्षण काम रद्द करावे – आमदार लक्ष्मण जगताप

पिंपरी (Pclive7.com):- पिंपरी चिंचवड महापालिका हद्दीत वास्तव्यास असणाऱ्या विविध घटकांतील नागरिकांसाठी नागरवस्ती विकास योजना विभागातर्फे कल्याणकारी योजना राबविण्यात येतात. त्यासाठी नागरिकांकडून अर्ज मागविण्यात येतात. या अर्जांची तपासणी, छानणी आणि पडताळणी करण्यात येते. त्यासाठी ‘अखिल भारतीय स्थानिक स्वराज्य संस्था’ या संस्थेस नेमण्यात आले आहे. परंतु उक्त संस्थेच्या कामात मोठ्या प्रमाणात भ्रष्ट्राचार झाल्याचे चर्चेत आले आहे. उक्त संस्था महापालिकेस खड्ड्यात घालण्याचे काम करित आहेत. अशा संस्थामुळे पालिकेचे मोठ्या प्रमाणात रूपये खर्च होते. त्यामुळे महापालिकेने अशा उधळपट्टीस पायबंद घालावा. महापालिकेने अशा संस्थेकडील कामकाज रद्द करून टाकावे अशी सुचना आमदार लक्ष्मण जगताप यांनी महापालिका आयुक्त श्रावण हर्डीकर यांच्याकडे निवेदनाव्दारे केली आहे.