“वेस्ट टू एनर्जी’ला भाजपमधूनच “खो’

पिंपरी – महापालिकेच्या मोशी कचरा डेपोत “वेस्ट टू एनर्जी’ या महत्वाकांक्षी प्रकल्पाला सत्ताधारी भाजप पदाधिकाऱ्यांचाच विरोध होऊ लागला आहे. आमदार लक्ष्मण जगताप यांच्या समर्थक नगरसेविका माया बारणे यांनी या प्रकल्पाला विरोध केला आहे. जनतेच्या कर रुपी रकमेतून होणाऱ्या प्रकल्पाची सविस्तर माहिती देऊन पारदर्शीपणे हा प्रकल्प राबविण्याची मागणी त्यांनी पत्रकार परिषदेत केली. त्यामुळे भाजपला कोंडीत पकडणाऱ्या विरोधकांना आयतेच कोलित हाती मिळाले आहे.