खासगी बसगाड्यांचे भाडे दुप्पट

पिंपरी - उन्हाळी सुटीनिमित्त बाहेरगावी जाणाऱ्या प्रवाशांच्या संख्येत मोठी वाढ झाली आहे. त्यामुळे या संधीचा फायदा घेत खासगी व्यावसायिकांनी बस भाड्यामध्ये दुपटीने वाढ केली आहे. विशेष म्हणजे भाडेवाढ केल्यानंतरदेखील या बसेसचे आरक्षण फुल झाले आहे. अहमदाबाद, राजकोट, सुरत, बडोदा, बंगळूर, हैदराबाद, नागपूर, लातूर, अमरावती या लांब पल्ल्याच्या गाड्यांच्या तिकीट दरामध्ये मोठी वाढ झाली आहे.