नीटसाठी वीस हजार विद्यार्थी

पुणे - एकीकडे परीक्षेच्या ॲडमिट कार्डवर छायाचित्र चिकटविण्याची घाई, विद्यार्थिनींकडील कानातले-नाकातले, तर विद्यार्थ्यांच्या गळ्यातील चेन, हातातील ब्रेसलेट, घड्याळ काढण्याची लगबग, तर दुसरीकडे परीक्षा केंद्रामध्ये प्रवेश घेणाऱ्या प्रत्येक विद्यार्थ्यांची सुरू असलेली तपासणी, नियमांचे काटेकोर पालन करण्यासाठी सज्ज असलेले अधिकारी आणि कर्मचारी अशा काहीशा ‘टेन्शन’मय वातावरणात शहरातील जवळपास ३० हून अधिक परीक्षा केंद्रांवर राष्ट्रीय पात्रता प्रवेश परीक्षा (नीट) पार पडली. वैद्यकीय आणि दंतवैद्यकीय अभ्यासक्रमातील प्रवेशासाठी शहरातील सुमारे वीस हजार विद्यार्थ्यांनी ही परीक्षा दिली.