‘सायन्स पार्क’च्या वार्षिक सभासदत्वाला प्रतिसाद

शहरातील सायन्स पार्क हे पर्यटकांच्या आकर्षणाचे केंद्र बनले आहे. येथे भेट देणाऱ्यांची संख्या दिवसेंदिवस वाढतेच आहे. यामुळे शहराच्या वैभवात भर पडली आहे. विद्यार्थ्यांना याचा वर्षभर लाभ घेता यावा, यासाठी वार्षिक सदस्यत्वाची योजना सुरू केली आहे. मुलांमध्ये विज्ञानाची गोडी निर्माण व्हावी, यासाठी पिंपरी-चिंचवड महापालिकेने उभारलेल्या 'सायन्स पार्क'ला विद्यार्थी सुटीच्या काळात मोठ्या संख्येने भेट देतात; परंतु आपल्या शहरातील विद्यार्थ्यांनी फक्त सुटीपुरतीच सायन्स पार्कला भेट देण्याऐवजी वर्षभर भेट द्यावी, या उद्देशाने वार्षिक सदस्यत्वाची योजना सुरू केली आहे. यामुळे विद्यार्थ्यांना लायब्ररीसह विविध सुविधा उपलब्ध होणार आहेत. आत्तापर्यंत ६० ते ७० विद्यार्थ्यांनी या वार्षिक सभासदत्वाचा लाभ घेतला आहे.