महापालिकेतील ‘खुर्ची बहाद्दरां’ ना दणका ; प्रशासनात उद्यापासून अधिकारी, कर्मचा-यांच्या बदल्यांचा धडाका

प्रशासन उद्या काढणार आदेश ः वर्ग 1 ते 3 कर्मचा-यांच्या होणार बदल्या

पिंपरी  – महापालिका मुख्य इमारतीत व क्षेत्रीय कार्यालयात एकाच ठिकाणी वर्षानुवर्षे ठाण मांडून बसलेल्या अधिकारी व कर्मचा-यांच्या बदल्या करण्यात आल्या आहेत. याकरिता महापालिका प्रशासन विभागाने सर्व विभागाकडून माहिती संकलित केली होती. त्यामुळे तीन व सहा वर्षापेक्षा अधिककाळ झालेल्या अधिका-यांच्या बदल्या केल्या असून त्यासंदर्भात फायलीवर आयुक्तांनी सह्या केल्या आहेत. त्यांचे आदेश उद्या (शुक्रवारी) काढण्यात येणार आहेत.