‘घरकुल’साठी नव्याने नंबर लागलेले हवालदिल

पंडित जवाहरलाल नेहरू पुनरुत्थान योजनेअंतर्गत (जेएनएनयुआरएम) चिखली येथे महापालिकेच्या वतीने घरकुल योजना उभी करण्यात आली आहे; परंतु प्रशासनाच्या दिरंगाईच्या धोरणामुळे अनेकांना नऊ वर्षांनी ‘लकी ड्रॉ’मध्ये घरे मंजूर झाली आहेत. ‘ड्रॉ’च्यावेळी भरलेले पैसे सोडून ‘स्वहिस्सा’पोटीच्या रकमेसाठी महापालिकेने नेमून दिलेल्या बँकेत सध्या कर्ज उपलब्ध होत नाही. संबंधित बँकांनी कर्ज देण्यास स्पष्ट शब्दात नकार दिला आहे. त्यामुळे घराचे स्वप्न साकार होण्याचा आनंद औट घटकेचाच ठरतो की काय, अशी परिस्थिती घरकुल मंजूर झालेल्यांच्या पुढे निर्माण झाली आहे.