पिंपरी-चिंचवड स्मार्ट सिटी सल्लागार समितीची बैठक; इंटरनेट सुविधा मोफत मिळत असताना कोट्यवधींची उधळपट्टी का?

स्मार्ट सिटी लिमिटेड अंतर्गत फायबर ऑप्टिकल नेटवर्कीगच्या कामासाठी तब्बल 255 कोटींचा खर्च केला जाणार आहे. तर, दुसरीकडे अनेक खासगी मोबाईल कंपन्या मोफत इंटरनेट व इतर आवश्यक सुविधा मोफत व अल्पदरात देत आहेत. असे असताना हा खर्च करून पालिका नागरिकांच्या कररूपी पैश्यांची उधळपट्टी का करीत आहे, असा सवाल स्मार्ट सिटीचा सल्लागार समितीच्या बैठकीत उपस्थित करण्यात आला. समितीची बैठक महापालिकेच्या आयुक्त कक्षात शुक्रवारी (दि.31) झाली.