महामेट्रोला लागणाऱ्या शासकीय जागांबाबत सहकार्य करण्याची ग्वाही

महाराष्ट्र मेट्रो रेल्वे कॉर्पोरेशनकडून (महामेट्रो) वनाज ते रामवाडी आणि स्वारगेट ते पिंपरी दरम्यान करण्यात येणाऱ्या दोन मेट्रो मार्गिकांसाठी एकूण ४२ हेक्टर जागेची आवश्यकता असून त्यापैकी ३८.३० हेक्टर जागा शासकीय आहे. मेट्रो प्रकल्पासाठी लागणाऱ्या शासकीय जागा मिळवून देण्याबाबत महामेट्रोला सहकार्य करू, अशी ग्वाही विभागीय आयुक्त डॉ. दीपक म्हैसेकर यांनी मंगळवारी दिली.