शिक्षक वर्गीकरण प्रस्ताव पडताळणीनंतर कार्यवाही

पिंपरी – जिल्ह्यांतर्गत शिक्षक वर्गीकरणाच्या ऐनवेळच्या प्रस्तावाला समितीने मान्यता दिली आहे. मात्र, महापालिका सेवा प्रवेश नियमावलीत अशी तरतूद नाही. हा प्रस्ताव प्रशासनाकडून पडताळणी केल्यानंतरच याबाबतचा निर्णय घेतला जाईल, अशी माहिती महापालिका आयुक्त श्रावण हर्डीकर यांनी दिली. त्यामुळे ऐनवेळच्या या प्रस्तावावरील विरोधकांचे आरोप व सत्ताधाऱ्यांच्या स्पष्टीकरण अधांतरीच राहिले आहे.