डिजीटल घड्याळ खरेदीवरुन “टिकटिक’

पिंपरी- शहर स्वच्छतेचे कामकाज अधिक कार्यक्षमतेने होण्यासाठी पिंपरी – चिंचवड महापालिकेने 7 कोटी खर्चून सफाई कामगारांच्या मनगटावर बांधण्यात येणारी 4 हजार 544 “स्मार्ट वॉच’ थेट पद्धतीने भाडेतत्वावर घेण्याचा प्रस्ताव उद्या (दि.11) होणाऱ्या स्थायी सभेच्या मान्यतेकरिता ठेवला आहे. प्रशासनाकडून मांडलेल्या या विषयामुळे सत्ताधारी भाजपबरोबरच विरोधक देखील हैराण झाले आहेत. आता या विषयाबाबत सत्ताधारी भाजप पदाधिकारी नेमकी काय भुमिका घेतात, याकडे स्वकीयांबरोबरच विरोधकांचे देखील लक्ष लागले आहे.