राज्य नाट्यच्या निकालावर रंगकर्मींची नाराजी

पिंपरी : पिंपरी-चिंचवड विभागात पार पडलेली 58 वी महाराष्ट्र राज्य हौशी मराठी नाट्य स्पर्धा यंदा चांगलीच चर्चेत राहिली. स्पर्धेचे स्थळ म्हणून निवडलेल्या आणि नुकत्याच नुतनीकरण झालेल्या प्रा. रामकृष्ण मोरे प्रेक्षागृहामध्ये आलेल्या तांत्रिक अडचणींमुळे स्पर्धा चर्चेत होती. त्यातच स्पर्धेच्या अनपेक्षित निकालानंतर प्रेक्षक आणि रंगकर्मींच्या रोषामुळे या चर्चेला आणखी उधाण आले आहे.