पिंपरी महापालिकेत समावेशासाठी आळंदीकरांचा रेटा

पिंपरी- शहरात नागरी सुविधा पुरविण्यात अपयशी ठरलेल्या आळंदी नगरपरिषदेचा पिंपरी-चिंचवड महापालिकेत समावेश करावा, अशी आग्रही मागणी नागरिक करू लागले आहेत. किमान शुद्ध पाणी आणि चांगले रस्ते तरी मिळतील, एवढी माफक अपेक्षा आहे. अनेक नागरिक आता उघडपणे ही मागणी करू लागले असून, याकरिता लवकरच नागरिकांची स्वाक्षरी मोहीम राबविली जाणार आहे.