पिंपरी-चिंचवड महापालिकेने केले भाजी मंडईकडे दुर्लक्ष

पिंपरी - महापालिकेच्या वतीने शहरात 46 भाजी मंडई सुरू करण्याचे जाहीर करण्यात आले असले तरी अद्याप केवळ 19 मंडईच सुरू झाल्या आहेत. भाजीविक्रीसाठीची जागा नेहमीच्या ठिकाणाहून दूर असणे, तेथे ग्राहक येण्याबाबत विक्रेत्यांना असलेली साशंकता, उन्हात व्यवसाय केल्यास आरोग्याला उद्‌भवणारा धोका यासारख्या कारणांमुळे अन्य ठिकाणी मंडई सुरू झाल्या नसल्याचे स्पष्ट झाले आहे. त्यामुळे नागरिक हातगाडी व्यावसायिक, रस्त्याच्या कडेला बसणाऱ्या विक्रेत्यांकडून भाजी खरेदीस प्राधान्य देत आहेत.