प्रवाशांसाठी लवकरच "पीएमपी ई-कनेक्‍ट' ऍप

पुणे - शहरातील बस मार्गांच्या वेळापत्रकाची माहिती, हव्या असलेल्या मार्गांवर बस किती वाजता येणार, तिकीट दर किती आहेत, बसथांबे-आगार कुठे आहेत, तेथून बस कोणत्या मार्गांवर धावतात आदी उपयुक्त माहिती प्रवाशांना आता त्यांच्या मोबाईलवर "पीएमपी ई-कनेक्‍ट' या ऍपच्या माध्यमातून मिळणार आहे. येत्या 15 दिवसांत हे ऍप उपलब्ध होणार असल्याची माहिती पीएमपीचे अध्यक्ष आणि व्यवस्थापकीय संचालक तुकाराम मुंढे यांनी गुरुवारी दिली.