"दादां'च्या आंदोलनामुळे शहराला मंत्रिपद निश्‍चित

पिंपरी - महापालिकेत सत्तेत आलेले भाजपचे नगरसेवक काहीच काम करीत नाहीत. शहराचा विकास पूर्णपणे ठप्प झाला आहे, अशी आवई उठवत राष्ट्रवादी कॉंग्रेसचे नेते अजित पवार यांच्या नेतृत्वाखाली शहरात झालेली दोन आंदोलने चांगलीच फायदेशीर ठरली आहेत. कारण येत्या दहा डिसेंबरला होणाऱ्या राज्य मंत्रिमंडळ विस्तारात भाजपचे शहराध्यक्ष आमदार लक्ष्मण जगताप किंवा भोसरीचे आमदार महेश लांडगे यांच्यापैकी एकाच्या गळ्यात मंत्रिपदाची माळ पडणार असल्याचे खात्रीलायक सूत्रांनी सांगितले.