‘सब-वे’ ठरणार रहदारीचा ‘नीट-वे’

पिंपरी - महापालिकेने पुणे-मुंबई रस्त्यावरील दापोडी येथील लष्करी अभियांत्रिकी महाविद्यालयाच्या (सीएमई) प्रवेशद्वारासमोर भुयारी मार्ग (सब-वे) उभारण्याचे काम सुरू केले आहे. त्यामुळे सेवा रस्त्याने वाहतूक वळवली असून, ती सुरळीतपणे सुरू आहे. येत्या दहा महिन्यांत म्हणजे सप्टेंबर २०१८ पर्यंत ‘सब-वे’चे काम पूर्ण करण्याचे उद्दिष्ट आहे. त्यामुळे महामार्गावरील वाहतूक विनाअडथळा होणार आहे.