रेडिरेकनरच्या दरात होणार वाढ; घरे, जमीन महागणार

पुणे शहरामध्ये 3 टक्के, पिंपरी-चिंचवडमध्ये 4 टक्के, ग्रामीण भागात 9 टक्के वाढ प्रस्तावित

गणेश आंग्रे
पुणे- रेडिरेकनरच्या दरात नोंदणी व मुद्रांक विभागाने वाढ प्रस्तावित केली आहे. 2018-19 या आर्थिक वर्षात ग्रामीण भागातील रेडिरेकनरच्या दरात सरासरी 9 टक्के, पुणे महानगरपालिका हद्दीत 3 टक्के आणि पिंपरी-चिंचवड महानगरपालिका हद्दीत 4 टक्के, नगरपालिका हद्दीमध्ये 7 टक्के आणि शहरालगतच्या गावांमध्ये (प्रभाव क्षेत्र) 7 टक्के वाढ प्रस्तावित करण्यात आली आहे. त्यामुळे किंमती वाढणार असल्याने घरे महाग होणार आहे.