कुत्री उठली जिवावर !

शहरात मोकाट जनावरांबरोबरच भटक्या कुत्र्यांचा उपद्रव मोठ्या प्रमाणात वाढला आहे. सध्या शहरामध्ये अनेक वेळा भटक्या कुत्र्याने चावा घेण्याबरोबरच नागरिकांवर हल्ला केल्याच्या घटना घडत आहेत. अलीकडे भटक्या कुत्र्यांनी लहान मुलांना आपले लक्ष्य केल्याच्या घटना घडल्या आहेत. त्यामुळे भटक्या कुत्र्यांची दहशत वाढत असून, त्यांच्या संख्येचा प्रश्‍न ऐरणीवर आला आहे. पिंपरी-चिंचवड शहरामध्ये एप्रिल 2017  ते फेब्रुवारी 2018  या वर्षात 2678 व्यक्तींना कुत्र्याने चावा घेतल्याच्या घटना घडलेल्या आहे, तर सध्या चालू वर्षात 518 जणांना कुत्र्याने चावा घेतल्याच्या घटनांची नोंद आहे, तर खासगी रुग्णालयांत आणखी रुग्ण असण्याची शक्यता आहे.