कॉलेज, विद्यापीठांत अजूनही ‘जंक फूड’

विद्यार्थ्यांच्या आरोग्याच्या दृष्टीने त्यांना कॉलेज आणि विद्यापीठांमध्ये 'जंक फूड' देऊ नये, या विद्यापीठ अनुदान आयोगाने (यूजीसी) घेतलेल्या निर्णयाला कॉलेज आणि विद्यापीठांनी केराची टोपली दाखविल्याने 'यूजीसी'ने पुन्हा विद्यापीठांना स्मरणपत्र पाठवले आहे. तसेच या संदर्भात काय कार्यवाही केली, त्याची माहिती विद्यापीठाने द्यावी, अशा सूचना 'यूजीसी'ने केल्या आहेत.