होय, मेट्रोनं महापालिकेचं नाक कापलं

पुणे मेट्रो आणि पिंपरी-चिंचवड महापालिका यांच्यातील समन्वयाचा अभाव वारंवार दिसतो. परवानगीविना बीआरटी मार्गात अतिक्रमण करून, तोडगा म्हणून रस्त्याच्या मधोमध पिलर घेऊन आणि महापालिकेच्या नकाराला न जुमानण्याचा उद्दामपणा करून मेट्रोने खरंच महापालिकेचं नाक कापलंय. आणि महापालिकेचे आयुक्त, प्रशासन आणि पुढारीही कोट्यवधी रुपये खर्च केलेल्या बीआरटीला खड्ड्यात घालून मेट्रोला डोक्यावर घेऊन नाचत आहेत.