शास्तीकर ठरविण्याचा अधिकार महापालिकेला मिळणार : सत्तारुढ पक्षनेते एकनाथ पवार यांची माहिती

अनधिकृत बांधकामे अधिकृत करण्यासाठी दंड ठरविण्याचा अधिकार महापालिकांना देण्याची घोषणा मागील महिन्यात मुख्यमंत्री देवेंद्र फडणवीस यांनी शहरातील एका कार्यक्रमात केली होती. त्यानंतर अनधिकृत बांधकामांवर लावण्यात येणारा दंडात्मक शास्तीकर ठरविण्याचा अधिकारदेखील महापालिकांना देण्याचा निर्णय मुंबईतील बैठकीत मुख्यमंत्र्यांनी जाहीर केला आहे. लवकरात याबाबतचा अध्यादेश निघणार आहे. त्यामुळे नागरिकांना शास्तीकरापासून दिलासा मिळणार असल्याचे सत्तारूढ पक्षनेते एकनाथ पवार यांनी पत्रकार परिषदेत सांगितले.