पोलीस विभागाने पिंपरी चिंचवड येथील नागरिकांच्या सुरक्षेला प्राधान्य द्यावे – पालकमंत्री गिरीश बापट

सामान्य नागरिक केंद्रबिंदू मानून पिंपरी चिंचवड येथील नागरिकांच्या सुरक्षेला प्राधान्य द्यावे, असे प्रतिपादन अन्न व नागरी पुरवठा मंत्री तथा पालकमंत्री गिरीश बापट यांनी केले. पिंपरी-चिंचवड येथील ऑटो क्लस्टर एक्झिबिशन सेंटर येथे पालकमंत्री गिरीश बापट यांच्या अध्यक्षतेखाली झालेल्या कार्यक्रमात तात्पुरत्या स्वरुपात पिंपरी-चिंचवड पोलीस आयुक्तालय आज कार्यान्वित झाले. प्रारंभी याठिकाणी बापट यांच्या हस्ते ध्वजारोहण झाले व राष्ट्रध्वजाला सलामी देण्यात आली.