सावधान ! वैद्यकीय कर्मचाऱ्यांवर हल्ला कराल तर एनएसए अंतर्गत होणार कारवाई

नवी दिल्ली : करोनाशी लढा देण्यासाठी वैद्यकीय कर्मचारी आपला जीव धोक्यात घालत आहेत. दिवसरात्र एक करून करोनाबाधितांची  सेवा करत आहेत. मात्र  देशात विविध ठिकाणी यांच्यावर हल्ला होत असल्याच्या घटना समोर आल्या आहेत.   दरम्यान, अशा घटना रोखण्यासाठी कठोर पावले उचलण्यात येत आहेत.  मध्य प्रदेशात चार जणांवर राष्ट्रीय सुरक्षा कायदा म्हणजेच एनएसए अंतर्गत कारवाई केली आहे, तर यूपीतही याच कायद्यांतर्गत कारवाईचे आदेश देण्यात आले आहेत.