Coronavirus : पिंपरीत खोटी कारणे काढून फिरताहेत नागरिक

पिंपरी - देशभरात कोरोनाचा संसर्ग वाढत असताना कुणीही घराबाहेर पडू नका, असे सरकारकडून वारंवार सांगण्यात येत असले तरी खोटी कारणे देत फिरणाऱ्या महाभागांमुळे पोलिसांवरील ताण वाढतो आहे. परिस्थितीचे कसलेही गांभीर्य नसलेले नागरिक कधी आवश्‍यक काम आहे सांगून तर कधी जुनी औषधांची चिठी पोलिसांना दाखवून खुलेआम फिरताना दिसतात. अशी बनवेगिरी करणाऱ्या उडाणटप्पूंना आवरा रे म्हणण्याची वेळ पोलिसांवर आली आहे.