पुणे पोलीस राज्यात ‘नंबर वन’

पुणे पोलीस राज्यात ‘नंबर वन’: पुणे। दि. ५ (प्रतिनिधी)

ईशान्येकडील विद्यार्थ्यांवरील हल्ला व जंगलीमहाराज रस्त्यावरील बॉम्बस्फोटाची घटना घडल्यानंतर पुणे पोलिसांनी नागरिकांच्या सुरक्षिततेसाठी चांगली कामगिरी केली असून पुणे पोलिसांची कामगिरी महाराष्ट्रात नंबर वन असल्याची पावती गृहमंत्री आर. आर. पाटील यांनी आज दिली.

शहर पोलिसांच्या वतीने आयोजित सद्भावना संगीत जलसा कार्यक्रमात ते बोलत होते. पुणे विद्यापीठाचे कुलगुरू डॉ. वासुदेव गाडे, आमदार भीमराव तापकीर, बापू पठारे, नेमबाज गगन नारंग, पोलीस आयुक्त गुलाबराव पोळ, सहपोलीस आयुक्त संजीव सिंघल उपस्थित होते.

पाटील म्हणाले, ‘‘ईशान्येकडील विद्यार्थ्यांमध्ये निर्माण झालेले भीतीचे वातावरण दूर करण्यासाठी पोलिसांनी प्रयत्न करून त्यांच्यात सुरक्षिततेची भावना जागृत केली. साखळी बॉम्बस्फोटानंतर लगेच आलेल्या गणेशोत्सवात चोख बंदोबस्त

ठेवला. त्यामुळे पुणे पोलीस नागरिकांच्या संरक्षणासाठी सक्षम असल्याचे सिद्ध झाले.’’