पीएमपीची स्थानके किती ? प्रशासनालाच नाही माहिती

पुणे महानगर परिवहन महामंडळाची (पीएमपी) बस स्थानके किती, असा प्रश्न विचारल्यास प्रशासनाकडून १६ असे उत्तर दिले जाईल. मात्र, पुणे, पिंपरी-चिंचवड आणि आसपासच्या परिसरात एकूण ७६ बस स्थानके असल्याचा दावा पीएमपी प्रवासी मंचाचे कार्यकर्ते आणि बस स्थानकांचा अभ्यास करणाऱ्या रुपेश केसेकर यांनी केला आहे. त्यांच्यामते एका ठिकाणावरून दोनपेक्षा अधिक मार्गांवर सोडण्यात येणाऱ्या बस आणि दोन बसमधील वारंवारिता १० मिनिटांपेक्षा जास्त आहेत, अशी एकूण ७६ बस स्थानके असून, पीएमपी प्रशासनाला त्याची माहिती नसल्याचा आरोप त्यांनी केला आहे.