वरातीमागून महामेट्रोचे घोडे!

मेट्रो मार्गापासून वीस मीटर अंतरावर बांधकाम करण्यासाठी महामेट्रोचे ‘ना हरकत प्रमाणपत्र’ (एनओसी) घ्यावी लागणार असल्याचे नुकतेच जाहीर केले आहे. ही परवानगी नागरिकांनी थेट महामेट्रोकडून घ्यायची नाही, तर महापालिकेच्या माध्यमातून घ्यायची आहे. बांधकाम आराखड्याचे प्रकरण महापालिकेकडे सादर करायचे आणि त्यानंतर ते महामेट्रोकडे जाणार. तेथून त्याची छाननी झाल्यावर ते पुन्हा महापालिकेकडे येणार असून, काही त्रुटी असल्यास त्यांची पूर्तता संबंधितांना करावी लागणार आहे. ती झाल्यावर संबंधितांना ‘एनओसी’ मिळणार आहे. हा प्राणायम करताना पुन्हा टोलवाटोलवी अन्‌ दिरंगाईचा अनुभव येऊ नये, अशी नागरिकांची अपेक्षा आहे.