पीएमपीएमएल जुन्या बसेस करणार बाद

पुणे; दि. 16- प्रादेशिक परिवहन कार्यालयाने म्हणजेच आरटीओने वारंवार तंबी दिल्यानंतर पीएमपीएमएल प्रशासनाला उशीरा का होइना पण जाग आली आहे. नियमानुसार पंधरा वर्षांपेक्षा जुन्या झालेल्या बसेस ताफ्यातून बाद करण्याचा महत्वपूर्ण निर्णय प्रशासनाने घेतला आहे, नव्या बसेस ताफ्यात दाखल झाल्यानंतर या निर्णयाची प्रत्यक्षात अंमलबजावणी करण्यात येणार आहे. प्रशासनाच्या या महत्वपूर्ण निर्णयामुळे प्रवाशांचा प्रवास अधिक सुखकर आणि सुरक्षित होण्यास मदत होणार आहे.