मनपाच्या १६५ कर्मचाऱ्यांवर बडतर्फीची शक्यता

पिंपरी-पिंपरी-चिंचवड महापालिका आस्थापनेवरील अनुसूचित जाती, अनुसूचित जमाती, विमुक्त जाती, भटक्‍या जमाती, विशेष मागास प्रवर्ग व इतर मागास वर्ग या प्रवर्गातील केवळ ४६ अधिकारी व कर्मचा-यांनी जात वैधता प्रमाणपत्र सादर केले आहे. तर ११३ जणांनी जात पडताळणी समितीकडे केलेल्या अर्जाची प्रत सादर केली आहे. याशिवाय १६५ कर्मचा-यांनी कोणताही प्रतिसाद दिलेला नाही. त्यामुळे या सर्व कर्मचा-यांवर बडतर्फीची कारवाई केली जाण्याची दाट शक्‍यता असून यापैकी बहुतांशी कर्मचारी चतुर्थ श्रेणीतील आहेत.