महापौरांचा चिंचवडवर “राग’

पिंपरी – “शांत, संयमी आणि हसतमुख’ अशी प्रतिमा असलेले पिंपरी-चिंचवडचे महापौर नितीन काळजे यांचा गेल्या काही दिवसांपासून चिंचवड विधानसभा मतदार संघावर “राग’ दिसत आहे. कारण, चिंचवडमधील विकासकामांच्या अथवा अन्य कोणत्याही जाहीर कार्यक्रमात महापौर सहभागी झालेले नाहीत. क्रांतीवीर चापेकर यांच्या टपाल तिकीटाच्या अनावरण कार्यक्रमाचा त्याला अपवाद आहे. पण, चिंचवडचे आमदार तथा भाजपचे शहराध्यक्ष लक्ष्मण जगताप यांच्यासोबत एकाही कार्यक्रमाला महापौरांनी हजेरी लावली नाही. परिणामी, महापौरांच्या नाराजीत गटबाजीचे “राजकीय राग-रंग’ दिसू लागले आहेत.