पोलिसांचा जीव टांगणीला

पिंपरी – ज्या पोलिसांवर शहराची सुरक्षा अवलंबून आहे. ज्यांच्यामुळे आपण सुरक्षित जीवन जगत आहोत अशा पोलिसांचा जीव मात्र टांगणीला लागलेला दिसत आहे. पिंपरी पोलीस वसाहतीत राहणारे पोलीस व त्यांचे कुटुंबीय अक्षरश: जीव मुठीत धरुनच आलेला दिवस पुढे ढकलत आहेत. त्यांची वसाहत असलेल्या इमारतींची अवस्था अतिशय दयनीय अशी झालेली आहे. दैनिक प्रभातच्या टीमने प्रत्यक्ष घटनास्थळी जाऊन वास्तव शोधण्याचा प्रयत्न केला असता अत्यंत भयानक वास्तवाचे दर्शन झाले.