पिंपरी-चिंचवड शहरात स्वाइन फ्लूचा प्रादुर्भाव दिवसेंदिवस वाढत चालला आहे. जानेवारीपासून आतापर्यंत तब्बल 20 जणांचा मृत्यू झाला आहे. तरीही पालिकेच्या यशवंतराव चव्हाण स्मृती (वायसीएम) रुग्णालयात स्वाइन फ्लूचा स्वतंत्र कक्ष सुरू न केल्याबद्दल स्थायी समिती सदस्यांनी तीव्र नाराजी व्यक्त केली. तातडीने स्वतंत्र कक्ष सुरू करून, सर्वसामान्य रुग्णांना उपचार द्यावेत. तसेच, आजारासंबंधित औषधांचा योग्य प्रमाणात साठा करून ठेवावा, असा सक्त सूचना पालिकेच्या वैद्यकीय विभागास देण्यात आल्या. तब्बल 20 जणांचा बळी गेल्यानंतर पदाधिकार्‍यांना जाग आली आहे.
No comments:
Post a Comment