गतिरोधक बसविण्याची मागणी

अपघात रोखण्यासाठी : निघोजे येथील महाळुंगे-तळवडे रस्ता

चाकण : दिवसेंदिवस प्रचंड वेगाने विस्तारत चाललेल्या उद्योगनगरीत बेफामपणे वाहन दामटण्यामुळे अपघातांचे प्रमाण वाढत चालले असून, हे प्रमाण रोखण्याकरिता निघोजे (ता. खेड) गावच्या हद्दीतील महाळुंगे - तळवडे रस्त्यावर तातडीने गतिरोधक, झेब्रा पट्टे अथवा सिग्नल बसवण्याची मागणी अखिल भारतीय वारकरी महामंडळाचे जिल्हा संपर्कप्रमुख विनोद महाळुंगकर-पाटील, उद्योजक विजय बोत्रे, अमोल पवार यांनी केली आहे.