हिंजवडीसाठी ‘मास्टर प्लॅन’

वाहतुकीचा प्रश्न सोडविण्यासाठी योजना

हिंजवडीतील राजीव गांधी आयटी पार्क येथील वाहतुकीची समस्या आणि सुरक्षिततेसाठी विविध उपाययोजना करणारा ‘मास्टर प्लॅन’ तयार करण्यात आला आहे. वाहतुकीचा प्रश्न सोडविण्यासाठी नांदे ते चांदे हा रस्ता पाच डिसेंबरपर्यंत; तर बाणेर ते हिंजवडी या मार्गातील मुळा नदीवरील पुलाचे काम २६ जानेवारीपर्यंत पूर्ण केले जाणार आहे. माण गावात नवीन पूल बांधला जाणार असून, सुरक्षिततेसाठी पोलिस चौकीला ४० गुंठे जागा, सुमारे ३५ कोटी रुपयांचा क्लोज सर्किट टीव्ही (सीसीटीव्ही) प्रकल्प आणि पार्किंगची अडचण सोडविण्यासाठी मल्टिलेव्हल पार्किंग उभारले जाणार आहे.