राज्यातील रिक्षा चालकांना दिलासा

पिंपरी – रिक्षा चालक मालकांसाठी कल्याणकारी मंडळ स्थापन करण्यात येईल. ओला-उबेर या भांडवलदार कंपन्यांसाठी नियमावली तयार करण्यात येईल. नियमावलीची तातडीने अंमलबजावणी करण्यासाठी त्यांना परिवहन कायदा लागू करणार आहे. रिक्षा पासिंगसाठी अद्ययावत ट्रॅक उपलब्ध करून रिक्षाचालकांचा प्रश्न सोडवू, असे आश्वासन परिवहन मंत्री दिवाकर रावते यांनी दिले आहे, अशी माहिती रिक्षा चालक-मालक संयुक्‍त कृती समितीचे सरचिटणीस बाबा कांबळे यांनी दिली.