आता फ्लेक्सबंदीही शक्य

हायकोर्टाने निर्वाणीचा इशारा देऊन अनधिकृत फ्लेक्सवर बंदी घालण्याची अंमलबजावणी करण्यास सांगितल्यावरही राज्य सरकारला जे जमले नाही, ते प्लास्टिक बंदीच्या निर्णयामुळे शक्य होणार आहे. फ्लेक्सची छपाई करण्यासाठी वापरण्यात येणारे मटेरिअल हे बंदी असलेल्या प्लास्टिकपासून तयार करण्यात येत असल्याने फ्लेक्स, होर्डिंग्जवरही आपसूक गदा येणार आहे. प्लास्टिकचे मटेरिअल वापरल्यास फ्लेक्स प्रिंटिंग करणाऱ्या व्यावसायिकांवर महापालिका थेट कारवाई करणार आहे. त्यामुळे यापुढे दादा, भाऊंच्या शुभेच्छांचे फ्लेक्स चौका-चौकात, रस्त्यांच्या कडेला, विजेच्या खांबांवर कमी होतील, अशी अपेक्षा व्यक्त होत आहे.