पिंपरी चिंचवडमध्ये मंत्रीपदाची उत्सुकता शिगेला असताना राज्यस्तरीय लेखा समितीच्या अध्यक्षपदी अ‍ॅड.सचिन पटवर्धन यांची फेरनिवड

पिंपरी (Pclive7.com):- पिंपरी चिंचवड शहराला गेल्या वर्षभरापासून मंत्रीपदाचे वेध लागलेत. महापालिकेत भाजपाची सत्ता आल्यानंतर आमदार लक्ष्मण जगताप आणि महेश लांडगे यांना राज्याच्या मंत्रीमंडळ विस्तारात संधी मिळेल अशी चिन्हे निर्माण झालीत. दरम्यान या दोघांपैकी मंत्रीपद कोणाला मिळणार याची उत्सुकता शिगेला असताना राज्यस्तरीय लेखा समितीच्या अध्यक्षपदी शहरातील अ‍ॅड. सचिन पटवर्धन यांची फेरनिवड करण्यात आली आहे. हे पद राज्यमंत्री दर्जाचे असून याला विशेष महत्व देखील आहे. पटवर्धन यांच्या या निवडीमुळे आता शहराच्या पदरात आणखी काही मिळू शकेल याबाबत प्रश्नचिन्ह निर्माण झाले आहे.