महापालिका डॉक्टरने केला खासगी दवाखाना

पिंपरी : महापालिकेच्या आस्थापनेवर असलेल्या वायसीएमएच् रुग्णालयातील शल्यचिकित्सक डॉ. संजय विजयराव पाडळे हे बिबेवाडी येथे खासगी दवाखाना चालवित आहेत. तसेच पालिकेकडून व्यवयायरोध भत्ता (छझ-)देखील घेत असल्याचे चौकशीत समोर आले आहे. त्यामुळे त्यांच्या दोन वेतनवाढ स्थगित करण्याचा निर्णय आयुक्त श्रावण हर्डीकर यांनी घेतला असून त्यांच्याकडून आठ लाख 24 हजार 297 रुपये व्यवयायरोध भत्ता वसूल करण्याचे आदेश दिले आहेत. यापुढे कोणत्याही स्वरुपाचे कार्यालयीन कामकाजामध्ये गैरवर्तन केल्याचे निदर्शनास आल्यास त्यांच्यावर जबर शास्तीची कारवाई करण्याचा इशारा देण्यात आला आहे. तसेच याची नोंद पाडळे यांच्या सेवा पुस्तकात करण्यात येणार आहे.