‘पवना’ फुल्ल, टेन्शन गुल

पिंपरी-चिंचवडकरांसह मावळवासीयांची तहान भागवणारे पवना धरण पूर्ण क्षमतेने भरले असून, पुढील वर्षभराचे पाणीटंचाईचे टेन्शन आता दूर झाले आहे. धरणातील पाणीसाठा ९९.५० टक्के झाला असून १३०० क्युसेक्स वेगाने विद्युत निर्मितीसाठी पाण्याचा विसर्ग सुरू करण्यात आला आहे. येत्या काही दिवसांत पावसाच्या जोर पुन्हा वाढल्यास नदीपात्रात पाणी सोडले जाईल, असे स्पष्ट करण्यात आले.