पिंपरीगाव : संधी मिळूनही विकासापासून वंचित

पिंपरी – गावा-गावांचे मिळून महानगर झालेल्या पिंपरी-चिंचवडमध्ये विकासाचा असमतोल अद्यापही दिसून येत आहे. ज्या गावापासून या महानगराच्या उदयाला सुरवात झाली त्या पिंपरीगावातील रस्ते, चेंबर, उद्याने आणि पुलांची अवस्था पाहून या असमतोल विकासाचे चित्र स्पष्ट होते. ‘गाव तसे चांगले पण वेशीला टांगले’, अशी स्थिती येथे आहे. याला येथील स्थानिक राजकीय नेते आणि पदाधिकारी कारणीभूत असल्याचे दिसून येते.